2 Samuel 24:24-25

Ang Salita ng Dios (Tagalog Contemporary Bible)

²⁴ Pero sumagot si David, “Hindi ko ito tatanggapin ng libre; babayaran kita. Hindi ako maghahandog sa Panginoon kong Dios ng mga handog na sinusunog na walang halaga sa akin.” Kaya binili ni David ang giikan at ang mga baka sa halagang 50 pirasong pilak. ²⁵ Pagkatapos, gumawa siya roon ng altar para sa Panginoon at nag-alay ng mga handog na sinusunog at mga handog para sa mabuting relasyon.^[a] Sinagot ng Panginoon ang panalangin ni David para sa Israel, at huminto ang matinding salot.